فينا وجع مكتوم
ما قادرين نفتو.
وراء البسمات كتمنا
دموع.
بدون ما زول وجعنا
يحسو.
بعد الوطن طال
طال ناس سنين.
فات حدو.
على ناس في الشتات.
وناس في اللجوء.
وناس وسط الحرب
ماقادرين لبر يعدو.
في قلوبنا كتمة
نجمة نجمة الليل
نعدو.
متين شمس النصر
تشرق..
وتعود الناس فرحانا
بعدو.
كل دار تفرح بناسها
والمجاهدين ترفع تمامها
كل شهيد كان صادق
في عهدو.
شعب وجيش
منتصرين.
وسودانا قريب
يرجع لمجدو.
دمتم.
سامي الشاعر..
