سامي مصطفى أمين يكتب: العندو قول فوق قولنا  

مساحة للكلم

سامي مصطفى أمين يكتب:

العندو قول فوق قولنا

العندو قول فوق قولنا..

لو راجل يقدر يقولو..

السواهو جيشنا.

مافي جيش سووا مثيلو..

سنتين عدوهو بقاتلو.

والتالتة واقعة

جابو مجندل خيلو.

مرقو بقد الإبرة

(جبل الأولياء).

مطرطش فاقد حيلو..

لا لحق شال ..ما غننم..

عرد كداري معاهو عوينو..

قال جاهزية أشاوس

قال؟!!.

سوى بإيدو كمينو..

من كل القبل.

إلتف عليهم جيشنا.

زي الشجاع الأقرع.

خمش راسو وديلو..

العندو قول فوق قولنا.

تقولي شنو..؟!!

× الكاهن×.رجع.

فوق مطارنا ركع.

حمد ربه..صلى علي(محمد)سيدو..

دخل القصر عنوة مشالو.

الخرطوم حرة قال..

(قدام بس)..

عدونا ما بنسيبو..

نحن وراهو معاهو.

لدارفور تارنا بناخدو

نجيبو..

(كلام نجيض؟

ماقسم سفهاء)

على الكتاب خت يمينو..

الداير يداوس تاني.

لو عقلوا في راسو يهبشو.

و يسلم سلاحو.

أو جندينا بعقرو يهينو..

(الشيطان) الكان راعيها

راجيها تنجض.

يأكل منها.

نجضها جيشنا.وقلع كمان مواعينو ..

سودانية نحنا.

سود وإسود.

حارسين بلدنا..شرفنا.

السودان.بدماءنا نصينو..

والما عجبو الكلام.

يركب أعلى خيلو..

الله أكبر

النصر لنا

سامي الشاعر..