الما بلدك ما بتدوم ليك
وما حك جلدك غير
ظفرك.
متين خليت بلدك
بقيت غريب.
الغريب لو في نعيم
بعيش حياتو في قلق.
ما ببقو ليك الغرباء
ديل.
زي حبايبك وناسك
وأهلك.
حتى الشمس والقمر
تشوفها غير.
ما بالك بتراب
وطين وسماء بلدك.
غربة نزوح مازي
هجرة جبر.
أمر بيها ربك وأوعدك.
دموع العودة دموع فرح.
نازلة من عيونك
مارقة من قلبك
وفلذة كبدتك.
ما في أحلى من الرجوع
مادمت قادر.
يللا من باكر
سوق معاك ولدك.
بكرة أحلى في وطن
شايل أسمه في ملامحك
في لونك في لغتك.
إنت (زول) ماكا (رججال)
لا (زلمة) لا نعتك.
بالسلامة يلله عود.
لملم حقايبك ستف عفشك.
بكرة (الخبر شايلو النسيم).
الزول بعد السنين رجع البلد..
الجاتك في مالك سامحتك.
عاد لآقوه الأهل
والصحاب.
مرقت تزغرد فرحانة بيك.
خالاتك وجارتك
وبنات حلتك..
سامي الشاعر..
