( كل الزوايا ) : عبدالرحمن دقش : يكتب( يا كامل ادريس الريس بحكومه الامل خليك معانا داخل السلطه !!)

* يا ( سعاده ) البروف كامل الطيب ادريس ( الريس ) بحكومه الامل بالسودان ونقول اليك خليك معانا داخل السلطه لانه وضح جليا ومنذ استلامك السلطه وانت ما عاوز تسمع منا وتنفذ الصالح ولكن ظهر انك تحتضن ( جنت علي نفسها براقش ) !! طيب لماذا كانت اقالات وزير الشؤون الدينيه والاوقاف ووزيره شؤون مجلس الوزراء واحدي المستشارين وهنا بقت الحكومه اقل من ( طمنطاشر ) طوال تلك الفتره الطويله بعد الاقالات ؟!!

* يا كامل ادريس هنالك العديد من ( الفجات ) في طابور الحكومه وهنا اهل السودان في حيره واستغراب وانه لا اقاله لوزير الطاقه والكهرباء ظلت تضرب شعب السودان ضرب غرائب الابل وكانت الضربات ( شمال ويمين ) وصارت الكهرباء ( وسيوطها ) قد سيطرت علي كل المحلات والبيوت والشوارع !!

* الذي نعلمه تماما ان الوزراء والوزيرات لا يعرفون معني انقطاع الكهرباء لان في بيوتهم عندهم ( وابورات ) انقاذ الكهرباء وحتي مكاتب الوزارات ايجارها بالدولارات وما عندهم خوف من الانقطاع الدائم !! ولا حول ولا قوه الا بالله لان المستشفيات والمساجد والمدارس بلا كهرباء بالنهار والليل وبيني وبينك يا كامل ادريس ومثل ذلك لم نشاهده ابدا في دول المهجر والاغتراب !!

* الحلول يا كامل ادريس كلها معك وهي عليك رفع العصا علي الوزراء والوزيرات بحكومه الامل وشوف كل يوم ماذا يفعلون من اجل الوطن !!

* هل تسمح لنا التحليل بعلم النفس عن لماذا تكاسل الوزراء والوزيرات ولماذا الوقوف بتلك الحالات ؟!! السبب الواضح جدا انهم جميعا يستلمون أعلى المرتبات !! بعدين يا كامل ادريس جماعه الوزراء والوزيرات منازلهم ما فيها انقطاع الكهرباء.. وعندهم السيارات الفارهات !!

نعود لمنازل الوزراء والوزيرات رغم عدم انقطاع الكهرباء وهي تحارب ( قله ادب ) ذلك الانقطاع وفيها ( الوابورات ) لمنع الانقطاع نجد تلك البيوت تعمل المشاكل والحروب مع المنازل المجاوره لانها فقدت ( حناء ) الكهرباء ولا فرح بداخلها !!

* تصور يا كامل ادريس نحن في المهجر ونار البعد والغربه نود الرجوع الي الوطن ولكن اهلنا الباسلين والقاعدين في الوطن طلبوا منا عدم الحضور لان الكهرباء والمياه غير موجوده في السودان ومن زمان اهل السودان خلعوا ( جلابيب الكهرباء ) وهي ضاربهم بالنهار والليل وكل يوم وصارت ( البعبع ) المخيف وهنا طلبوا منا عدم الحضور وكانت الاسباب الكهرباء وما ادراك ما الكهرباء !! طيب يا كامل هل تقوم بزيارات المصانع والشركات وكيف حال استعمال الكهرباء؟!! هنا ضاعت انتاجات السودان ومصالحها !!

* هنا قد ذكرنا لك يا كامل ادريس ( الريس ) لحكومه الامل بالسودان المقارنه بالكامل بين السودان وراوندا وهي دوله افريقيه وقريبه من السودان ولاصقه بدوله تنزانيا ويوغندا ولكن زعلتوا ورفضتم الكلام العسل عنها !!

* معليش يا اهل السودان اسمعوا ما لا يصدق لان راوندا كانت في حرب عميقه ولا توصف وفقدت من اهلها ( مليون ونصف ) وكانت حرب قبليه جهويه ولكن اخيرا اتفقوا ونهضت الدوله بالاعمال الصالحه الي الترقي والتقدم والنهضه وصارت دوله يشار اليها !!

* في عام 2020م خفضت راوندا الفقر الي 30% ووصلت الحياه المعيشيه الي الغني ووصل السماء !!

* يا كامل ادريس ( الريس ) بحكومه الامل بالسودان وهل تصدق ان ( ثلاثه ارباع ) الانتاج الزراعي في راوندا كانت من يد المزارعين ؟!! وان مرتب المعلم والمعلمه قد كان اولا 2025دولار وفي عام 2024م وصل الي 6 الف دولار وتلك كانت راوندا السريعه في التطور !!

* بصراحه يا كامل ادريس ( الريس ) بحكومه الامل بالسودان ان ازمه حكم السودان تحتاج الي الحزم والشده والوفاء والوطنيه ولهذا نجد السودان في الدرك الاسفل رغم انه يفيض بالمزايا النافعه !!

* من المؤسف اننا نجد دسائس وافاعيل وخرقات عكسيه من قوي الحريه والتغيير وتجمع المهنيين ( قحت ) القحاته التي جعلت السودان ( كوم الرماد ) ولم ينفذوا ما نادت به ثوره ديسمبر 2018م المجيده. !!

* كانت اغراضها ظاهره وواضحه وعلم اهل السودان تلك الاختلاسات ومنازل الفساد وكان دخولها هو ( لف) وبلع اموال الدوله وعديل وليس هنالك متابعات من حكام السودان. !!

* لقد وضح الفساد والسرقات من لجنه ازاله التمكين ومحاربه الفساد ومنها نالوا واستولوا وسرقوا اموال الدوله دون محاسبه وكانت السرقات عديل وعلي عينك يا تاجر وقد فاضت ( جيوب ) اللجنه وهم من القحاته واليس كذلك يا المحامي ( الفحاتي ) المعروف الشهير ( وجدي صالح ) ؟!!

* هنا يا ( الريس ) كامل ادريس بحكومه الامل بالسودان هل سمعتم بتلك السرقات العلنيه وكان فيها الانهيار وحدثت بولايه الخرطوم وكانت سوف تنفذ ايضا في الولايات الاخري وكانت كلها قد تفشت وعمت القري والحضر !!

* هنا نعيد الاسئله الجريحه الي كامل ادريس. رئيس مجلس الوزراء الانتقالي بحكومه الامل بالسودان هل تابعتم تلك السرقات ومعالم الفساد التي حصلت بولايه الخرطوم وكما ارادت الانتقال الي الولايات الاخري؟!!

* يا كامل ادريس ( الريس ) لحكومه الامل بالسودان هل الوزراء والوزيرات علي علم بما حدث من ذلك الفساد وهل ايضا علي علم بمشاكل ارتفاع الاسعار والغلاء في الاسواق وكل المنافذ ؟!! ما الذي يفعله وزير الطاقه عن ارتفاع انقطاع الكهرباء ؟!!

* هل فكر الوزراء والوزيرات بحكومه الامل عن انقطاع الكهرباء بالنهار والليل ام كان الصمت لان الكهرباء لم تفارق منازلهم ويتم الدفع في ايجار منازلهم بالدولارات وتدفع رسوم الكهرباء عندهم بالدولارات !!

* هل يحصل مناقشه انعدام الكهرباء داخل جلسات مجلس الوزراء ؟!! هل يناقش الوزراء والوزيرات انقطاع الكهرباء في البلد ام ان جماعه الوزراء والوزيرات في نقاشات عدم انفصالها وهي غير موجوده في اجنده حكومه الامل بالسودان ؟!! هل سمع البروف كامل ادريس ( الريس ) لحكومه الامل بالسودان من وزير او وزيره حكايه من حكايات ( الدوشات ) عند انقطاع الكهرباء ؟!!

* يا ( سعاده ) البروف كامل الطيب ادريس رئيس مجلس الوزراء الانتقالي بحكومه الامل بالسودان لا نزال نتمسك. بالقول ( خليك معانا يا كامل داخل السلطه وقدم لاهل السودان بالتي هي احسن من اجنده حكومه الامل !!!