وكمان مشيتوا؟!
ل(أديس)..؟!
لحوآر الطرشان حكيتو؟
شان شنو؟
ما بدمروا في مدنا..
بشتتوا في قبايلنا
بحاربوا فينا من أمس
في(أديس)..!
ال ليها مشيتوا!..
دستو على كرامتنا
على (كرمكنا)..
على أرواح شهداءنا
جنودنا..
في بلد الأغتصبوا
حدودنا.
ما ما ما إختشيتوا؟!!
في الفنادق
سهرتوا إنبسطوا..
ما بعيد تكونوا قبطوا..
الوطن بنزف وإنتو..
من ضمائركم ما إنقبطوا؟!
لي شنو؟
لفيتوا ودورتوا؟
لشئ في نفس يعقوب
أخفيتوا ضاريتوا؟
في النهاية..
بخفي حنين تاني عدتوا.
مننا اللعنات كسبتوا.
وحيشهد التاريخ عليكم.
مافي جولة يوم كسبتم.
الوطن لن يباع.
لو ورآء المؤامرآت حبيتوا وحفيتوا..
الشعب قادر يحمي أرضو.
المواطن بقدر يحمي عرضو.
إنتوا إلى مذبلة التاريخ
لابد تمشوا..
كان رضيتوا كان أبيتوا.
سامي الشاعر..
