سامي مصطفى أمين يكتب… مساحة للكلم… أشواق

سامي مصطفى أمين يكتب: أشواق

اشتقنا لطعم الفرح

والفرح مشتاق لينا..

نسينا الوان المرح

والمرح هو البيحكي بينا..

الاماني صارت حكاوي

والشجن قسموه لينا..

شتلنا في الطرقات ورود

والليله في الكثبان مشينا..

مشينا نسأل عن امبارح

ما بكره لونو غريب علينا..

عايزين نلاقي الراح قبيل

روحنا نحنا و ما تلقينا..

فضلنا في الاتراح نكابد

وبالجبر ناره اكتوينا..

كم انتو ما شفتو الدموع

ونحنا وراء البسمات بكينا..

شيعنا الزمن الجميل

وتلوح بعيد امانينا..

عشنا في زمن القواسي..

ساعين نبدل زي ما سعينا..

رضينا بالقدر المسطر

راجينو فضلو و ما ابينا..

سبحان من علم المقدر

واقفين في بابو مادين ايدينا..

*سامى مصطفى امين*