كل الزوايا
عبدالرحمن دقش ( الفن والمسرح ودراما حريم سيتي !! )
* مهما وصفنا الفنانه الرائعه ( انصاف فتحي ) وقلنا فنانه نادره بالاداء المنفرد فلن نستطيع ان نصف وكانت تغني اغاني الحقيبه بروعه وابداع وتغني اغاني الجيل بروح لا توصف !! * مهما وصفناها لن نصل الي ما نصبو اليه عن قمه الاداء البديع المتمكن لغناء كل ما تغنيه !!
* ان الفنانه انصاف فتحي تغني اغاني الحقيبه تحولها الي نرجس محفوظ وبذلك الصوت العذب ولا نملك الا نردد ( القومه. ليك يا وطني. ) ومعها ( القومه ليك يا انصاف فتحي ) !!
* عقب ثوره ديسمبر 2018م المجيده ذهبت المطربه السودانيه الرائعه انصاف فتحي الي دبي بالامارات مشاركه في ( اكسبو 2020م ) وكانت خير تمثيل وقد ادخلت البهجه والسرور والفرح في نفوس واعماق اهل الغربه والمهجر من اهل السودان بالامارات وقد ازالت وجع سنوات الغربه واسعدت الجميع واستحقت الاشاده والثناء والتقريظ من كافه المغتربيين. !!
* الذي يلفت النظر عند انصاف فتحي انها في سنوات حرب ابريل 2023م بالسودان قد جلست علي بعد وتشارك مع شعار ( القومه ليك يا وطني ) ولم تشارك في الحفلات الراقصه الباذخه في مصر او غيرها في الدول الخارجيه. وظلت في وضوح تنادي بسلام للوطن وان انتهت الحرب فسوف تغني لعزه وكرامه الوطن دون ضجه وسفاسف الرقص !!
* الذي احزنني بحرقه ان الفنانه الرفيعه المستوي انصاف فتحي ايام انتشار فيروس كورونا ان تم القبض عليها مثل ليله القبض علي فاطمه لانها غنت في احتفال زواج عرس في حديقه لان القانون منع الغناء في صالات الافراح وكان اصرار والي ولايه الخرطوم علي الغرامه بالملايين !!
* لقد كتبت عن ذلك الظلم وكان قبض الوالي عليها يدل علي انه يري بعين واحده وما اكثر الذين خرقوا القانون ولم تطبق عليهم القبض والزجر الذي تم علي انصاف فتحي وانها فنانه بديعه ورائعه والتي مثلت الوطن في احسن واروع صوره وبالروح الوطنيه الصادقه !!
* الذي يؤكده التاريخ في عالم الغناء السوداني ان برنامج ( اغاني واغاني ) المتميز الناجح بقناه النيل الازرق الذي كان يقدمه عمنا المرحوم ( السر قدور ) كان لو تخلفت عنه الفنانه انصاف فتحي وهي لب الحلقات كلها سوف تنعدم فيه المتعه والابداع ويصبح البرنامج بغياب انصاف فتحي بلا جمهور يري ويسمع !!
* بكل صدق ان من يتابع انصاف فتحي الفنانه والمهندسه علميا ان كان في ارض المهجر وواصل فنها الكبير العظيم فسوف يجد نفسه داخل الوطن وتلك لحظات من العوده اليه واغانيها تزيل وجع الغربه والوحده وبصوتها العذب والاداء الواعي المتمكن وهي حقا تستحق الوقوف ليك يا وطني ممزوجا بالتقدير والاحترام !!
* اخر الكلام عن الفنانه المهندسه الرائعه ( انصاف فتحي ) اطالب الجميع ولو لدقائق اختيار ما تغنيه لكم ومنها علي سبيل المثال لا الحصر : ( بتقول حاجه / حبيبي غاب / يا مسافرين / قلبك ليه تبدل / حلمك يا حبيب / مصايرنا / مستحيل عن حبك اميل / يا دار وين حبي / ما تكلم زول / لومي / فراش القاش / حلفتك با قلبي / الوصيه / خاف من الله / خدار القلب / عندي كلمه عايز اقولها / مالك مجافي الناس / و..و..و.. !!)
!! سيداتي سادتي القراء الاماجد. هنالك الكثير ما تغنت به المطربه المهندسه الرائعه ( انصاف فتحي ) وما ذكرته لكم كانت اغاني ابدعت فيها ونالت الاعجاب والثناء. وهل ازيدكم ام مستحيل عن حبك اميل ؟!!! * اما عن ( دراما _ حريم سيتي ) في عالم المسرح التي نشاهدها في القناه ( S_ 24 ) بعد قيام ثوره ديسمبر المجيده ونحن في ارض الاغتراب فقد كانت في قمه الابداع وقد اعجبت اهل المهجر ونالت الثناء وقد اجادت الممثلات اداء الادوار بدرجه عاليه !!
* الذي لفت الانظار ( تقرير البكاء ) والعزاء في ( البكيات ) في السودان وكنت في العام قبل قيام حرب ابريل 2023م قد اثنيت علي ( تقرير البكاء ) في عمود ( كل الزوايا ) !!
* الملاحظ ان ما يدور. حول بيوت البكاء بولايه الخرطوم وكان فيها الغريب واصبح العزاء مثل صالات الافراح وعنده قاده مثل ( فاطمه تقرير ) وكان فيها ( قرف ) البكاء ويتم الحجز والاسعار ونوعيه البكاء والسكن والاعاشه لاربعين يوما وتلك معيشه فندق من الدرجه الاولي ويتم الدفع من صاحب العزاء مهما تكلف من اموال وعند الموت يختفي البكاء من القلب و( الجعير ) ويتم ذلك من القاده. والفرقه المختاره ويصبح البكاء تمثيلا مفبركا ومحبكا وفي اجاده تامه لا تخطر ببال وفيه هدير وعنف وكافه البروفات وتختلف النغمات وهي علي حسب ( الكاش ) المدفوع ودرجه ( الوووب .. ووب ) بارقام ماليه مختلفه !!
* الذي اعجب المشاهدين في امريكا في حلقه ( القريه ) لغه الزعيمه العمده ( فتحيه ) وهي الممثله ( مغاز بشري ) وقد ( طقطقت ) اللغه الانجليزيه بدرجه عجيبه وكما كانت تدعي امام اخواتها الاجاده وتتحدث مع ( الخواجيه ) انجلو ارابك. بمعني العربيه اشدها واكثرها وكانت كلها تمشي علي نساء القريه ولا واحده منهن تفهم ويكفي ( يا ناس الحله .. الخواجيه جات في ديوان فتحيه وهي مغاز بشري ) !!
* لكن يا فتحيه ( مغاز ) انك تتكلمين لغه عجيبه الشكل و( طقطقه ) من الخيال ومع كل ذلك قالوا ( رفعت راس القريه عاليا ) واللا شنو يا مفاز ؟!!
* المهم يا فتحيه عمده القريه ان القريه اثبتت الكرم والعزه وصواني الاكل كانت تتصارع وتتسابق نحو منزل العمده فتحيه وقد كانت صوره الماضي الذي كان بالوطن الحبيب !!
* يا اهل السودان بعد تحرير الخرطوم وهروب مليشيا الدعم السربع والجنجويد والمرتزقه هل ستعود دراما _ حريم سيتي ولكن ربما تعود وبرضو هل ستعود لنا ( عمده القريه ) وفيها الممثله الرائعه ( مفاز بشري ) ؟!!
المهم قد سمعنا اثناء حرب ابريل ان ( مفاز بشري ) قد تزوجت بدوله الامارات وما عندنا الا الف مبروك يا ( مفازو ) !!!
