مساحة للكلم
سامي مصطفى أمين يكتب :حكاوي الزمن الجميل
حكاوي الزمن الجميل
عشتها؟ سمعتها؟
حكوها ليك..
وحسيتها كيف..
الحين بعد السنين
المضت.
مع حبوبه وجدو
زمن الولف والزول
الوليف..
شفتى فيها
ماضي الذكريات.
في البيت الكبير
كل يوم البيت
جايليوه ضيف..
لا مشكلة في صينية
ماكنة.
و تحلية وشاي لبن
و كسرة ورغيف..
النفوس ماهلة
الحياة ساهلة.
اللمة في الجمعات
فعل أمر.
ما بتدور حلف.
راقد الخير
تغرف الناس
غرف.
شتاء وصيف
وخريف..
ما النيل سارح
ما بقيف..
المطر ما جافانا تب
أرض الخير تديك
دهب
بعد تعب.
خليك فالح وزول
حريف
بارب أمك وأبوك.
خالك أخوك
عمك أبوك.
خالتو وعمتو
راجين..
يوم يجرتقوك.
ماضينا كان
زمنا جميل
دمو خفيف..
سامي الشاعر..
