مساحة للكلم
سامي مصطفى أمين يكتب : مصر ياأخت بلادي
ياشقيقة
مصر يا أخت بلادي
يا شقيقة..
أويت جيران ليك
نزحوا من حرب رهيبة
فظيعة..
فتحتي ليهم أحضانك.
كأخت حنونة صديقة..
لقوا فيك أمان وسلام.
عيشة طيبة بأقامة
واللاجئين بوثيقة..
حاشا ما تضايقتي.
ما عبستي ما قصرتي..
بلدا عظيمة عريقة..
و الليله العايدين منك.
ما بنسوا كرمك وحنك.
دموعهم عند الوداع
دموع حب وفجيعة..
زي ما بتقولوا
(نحنا أخوات)
الخوة في قلوبنا موروث
غالي كأغلى وديعة..
حنعيش مدى التاريخ.
عدونا ما بلقى فينا
طريقة..
يفرق بين شعبينا.
النيل أبونا و أمنا
كاتبين بمويتو وثيقة..
وثيقة (تحيا مصر)
(سودانا فوق)
والمحبة عميقة..
سامي الشاعر..
