ساعة الرجعة وقوفك.
حزين محتار.
فقدت كل ما خليتو
إنت وراك..
تشوف مأساة بلد
بحالها.
ما مأساتك إنت براك..
لا صوت جاي من جوه
يلاقيك يرحب بيك.
لا بابا تدقو بإيدك.
عشان حبيبك يتلقاك..
واقف منتظر زولا.
تدخل بحذر.
وهو معاك.
خطوات تقيلة تقودك.
مقطعة قلبك الجواك.
يواسيك بمعليش
تمسح دموعك آآآخ..
يقول ليك..
ألجاتك في مالك
سامحتك .
قدرك قالوا ما بختاك..
غيرك مأساته تهوول
ده شوية إنت الجاك..
أحمد الله جيت راجع
كتير مأسي عشناها
الله لا وراك.
ألزم دارك
عيشها حياتك.
البلد آمنة.
زي ما رجعت
ناس كتيرة
راجعة وراك.
سامي الشاعر..
