لي زول رجع
بعد غربة
سنين ونيف.
فاتو كم صيف
وخريف.
بقول ليهو:
أصبحت كيف؟
هواء صباحات
سودانا كيف.؟
صحى الفجر
صلى وشكر.
مشى على
شاي الصباح
بلبن مقنن.
مع لقيماتا
لذيذ وخفيف..
أخوه كان
بايت معاهو.
جاهو مشتاق .
مشتاق وضيف.
والجبنة بعد داك
عمروها.
بخورها جاولي
آخر مزاج وكيف..
إستمتع.
فتح بابو
إتأمل نظر..
الجو بالجد
باهي هواهو لطيف.
سلم على جار
ماري دعاهو ..
:أبقى داخل ماتقيف.
يسالم العيال بحب.
يديهم حلاوة
وبسكويت.
وبطل.
وفشار عيش ريف.
مرق على الحي
يطوف…
قال يشوف.
حال ناس الفريق
بعد الحرب.
يا لطيف.
والف ذكرى
في بالو تطوف.
طال الزمن
الوحشة طآلت
وشوقو
حار
وعنيف..
سنيين.
للنيل
للناس
والجروف.
سايقنو يدق
أبوآب كل جار
الصمد فيهم
ومنو الغريب.؟
والجرفتو الحرب
فاقدنو ما لآقينو
ما عرفو ليه تعريف.
الحمدلله
هو الرجع
عاد لبيتو
بعد السهاد
والوجع.
وهما شديد
ومخيف.
تاني
لا لجوء
لا نزوح.
: يا رب
تحفظ بلدنا
من كل شر
من كل عدو
يعود منتصر
معافى.
نضيف..
كل من نزح
باكر يعود
من كل فج
وتدخل الباصات
صفوف..
من دول بيغادي
من الحضر
والريف..
سامي الشاعر..
