يا جيشنا يا أولادنا يا
رجالنا الواقفين في النار والله نحن ما عارفين نقول ليكم شنو ولا عارفين نشكركم كيف..إنتو عملتو العملو ما بيعملو زول..إنتو سهرتو عشان نحن ننوم.. إنتو جعتو عشان نحن ناكل إنتو قدمتو روحكم رخيصة عشان السودان يعيش.إنتو فخرنا..وإنتو عزنا..وإنتو تاج راسنا.إنتو الحفظتو كرامتنا..إنتو الوقفتو قدام المليشيا والخونة والمرتزقة وقلتو
السودان ده ما بنبيعو
السودان ده ما بنكسرو السودان ده حقنا وكرامتنا خط أحمر نحن عارفين التعب وعارفين الحرب طويلة وعارفين فقدتو أصحابكم وإخوانكم لكن والله النصر جاي والله الفرج قريب ما دام إنتو واقفين نحن واقفين وراكم.
وإنتو يا شعبنا ياأهلنا
الصابرين يا أهلنا النزحتو وفقدتو بيوتكم وفقدتو قروشكم وفقدتو أحبابكم وما فقدتو كرامتك.
يا جماعة صبركم ده براهو
نصر ثباتكم ده براهو نصر وقفتكم مع جيشكم ده براهو نصر ما تسمعو كلام المشككين ما تسمعو كلام الإشاعات نحن كلنا واحد.
جيش واحد شعب واحد
الجيش ده مننا ونحن منو الجيش ده ولدنا وأخونا وأبونا ما عندنا غيره وما عندنا غير السودان.
كلمتنا واحدة السودان
ما بيتقسم الكرامة ما بتتباع والجيش ما بنخليهو براهو.
اللهم أنصر جيشنا
اللهم ثبت أقدامهم وسدد رميهماللهم أرحم شهداءنا وأشفي جرحانا ورجع النازحين لي بيوتهم سالمين غانمين.
السودان حينتصر والكرامة
حتنتصر والجيش حينتصر بإذن الله.
عاش الجيش عاش الشعب
عاش السودان حر عزيز.
محمد طه محمد عبدالله
