البيتو من قزاز
يلم حجارتو عليهو..
المحرش ما بقاتل
النار حتحرق إيدو..
لو هو ناصح نصيح
مال (شيطان العرب)
مابفيدو.
لقدام ما بوديهو.
ما ببيع حسن الجوار
ويخون العيش والملح
ربنا يخذيهو..
يوم ندق النحاس
وتزغد عزة والحكامة.
تكرب الرجال حزامة .
تسرج العاديات
تسل السيوف
(تبلو) ما تخليهو.
الصاع صاعين
(تدبل ليهو)
تتمو وتكفيهو..
إنتهى زمن السكات
الصبر كمل.
الزارعنا يجي يقلعنا.
يجرب.
إيدو بنقطعها ليهو..
حيفتش للتخارجو
من (شرك أم زيرون)
الوقع نفسه فيهو..
معروفين ما بنختا
نحنا أولاد إصول.
أصحاب شهامة
وعزة.
والخاتي ثكلته أمه.
شيطآنه ما منجيهوه..
السويتو بخيانتك
تمنه قاسي جد.
قريب مابعيد
مدفعنك ليهو..
لا مسيرات بترهبنا
لا مرتزقة لا دعامة.
قادرين نصلك (نبلك)
السواي ما حداث.
(مثل) بنعمل بيهو..
قولنا نحنا قدرو
أرجى الراجيك.
من الليلة النوم
النوم بس خلليهو..
(الله أكبر)
(النصر لنا)
بالروح بالدم
كل (زول) شاريهو..
سامي الشاعر..
