قلوبنا على حالنا
خفاف.
بقينا رهاف.
بقينا من الجايات
زي زول من جر
الحبل بخاف.
ما كنا حلوين
كنا لطاف.
بنمد الأيدي
لكل زول
بس بعد الحصل.
اصاب شعورنا جفاف.
موجوعين
مامطمئنين.
إتغيرت كتير
في البلد والناس
معايير وأوصاف.
وبقينا نخاف
كفاية الشفناهو
يكفي العرفناهو.
بقينا زي زول في البحر
خطف شراعو الريح
من يدو سقط مقداف
بقينا نخاف.
نتواسى بذكرياتنا
الحلوه.
نتأسى من مخاوفنا
المره.
نتواصل مع ناس
معزتنا زمان.
البقو لينا
أحلاف..
مشاعر صادقة
من كل زول
رقيق شفاف.
دمتم.
سامي الشاعر..
